Purschidas

Seniora-Ca

La purschida Seniora-CA ei vegnida creada el rom d’in project e cun sustegn dalla vischnaunca da Mustér. Ella organisescha regularmein occurrenzas sco referats, discussiuns, presentaziuns, suentermiezdis da giugs e meisas da miezdi per senioras e seniors naven da 60 onns.

PReavis

mardis, ils 10 da fevrer 2026 – referat «Segirtad en la vegliadetgna» (tric dil beadi,…). La polizia cantunala dil Grischun referescha e presenta exempels!

Survetsch da transport

La Seniora-CA porscha in survetsch da transport voluntari per senioras e seniors che san buca far diever dils mieds da tansport publics ni mo sut cundiziuns difficultusas.

Digital-Café

El Digital-Café dalla Crusch Cotschna Svizra Grischun stattan giuvenils dil gminasi dalla Claustra da Mustér a Vossa disposiziun tier Vossas damondas digitalas.

mardis, ils 10 da fevrer 2026 | 16:30 - 18:00 uras | Stiva Sogn Placi

mardis, ils 10 da mars 2026 | 16:30 - 18:00 uras | Stiva Sogn Placi

gievgia, ils 21 da matg 2026 | 16:30 - 18:00 uras | Stiva Sogn Placi

Seniora-CA

c/o PUNTREIS Center da sanadad SA

Via Cons 11 - 7180 Disentis/Mustér

081 929 56 56

info@seniora-ca.ch

flyer da transport

Alzheimer Grischun – post da cussegliaziun

L’Associaziun Alzheimer Grischun s’engascha per persunas dementas e lur confamigliars. Grazia al Telefon Alzheimer, la lavur da publicitad, la buna reit e la collaboraziun en gruppas d'experts procura l'associaziun ch'ei detti purschidas per persunas dementas e che quellas purschidas sappien sesviluppar vinavon.

Vies post da consultaziun ei l'Associaziun Alzheimer Grischun a Cuera che cumpeglia nov survetschs da cussegliaziun regiunals, denter auter era cheu a Mustér. Nicole Candinas, specialista da tgira SSS e specialista per gerontopsichiatria, cusseglia bugen Vus arisguard il tema viver cun Alzheimer. Sche Vus leis fixar in termin, supplichein nus Vus da contactar directamein Nicole Candinas.

Café Zeitlos

Il Café Zeitlos ei in liug da sentupada per persunas dementas e lur confamigliars, nua che Vus saveis passentar communablamein in suentermiezdi en ina bun'atmosfera. Cheu haveis Vus la pusseivladad da s'informar davart temas specifics, sebrattar cun autras persunas pertuccadas e far novs contacts. Il Café Zeitlos ei aviarts mintga emprem venderdis dil meins dallas 14:00 tochen las 16:00. Igl ei buca necessari da s'annunziar, vegni semplamein sperasvi!

Datas 2026

06-02-2026 | 06-03-2026 | 03-04-2026 | 01-05-2026 | 05-06-2026 | 03-07-2026 | 07-08-2026 | 04-09-2026 | 02-10-2026 | 06-11-2026 | 04-12-2026

Alzheimer GR

post da cussegliaziun

c/o PUNTREIS Center da sanadad SA

Via Cons 11 - 7180 Disentis/Mustér

079 811 33 10

nicole.candinas@alz.ch

www.alz.ch/gr

Pro Senectute – post da cussegliaziun

La Pro Senectute sustegn persunas pli passadas e lur confamigliars cun cussegliaziuns gratuitas e confidenzialas en connex cun il tema vegliadetgna. Il menader dil post, Curdin Casaulta, porscha mintga tiarza gievgia dil meins cussegliaziuns en nossas localitads a Mustér. Sche Vus leis fixar in termin, supplichein nus Vus da contactar directamein Curdin Casaulta.