Scolaziuns e perfecziunaments
Nus dein gronda peisa a scolaziuns e perfecziunaments. Per nus ei ina relaziun da biars onns cun nossas collaboraturas e nos collaboraturs fetg impurtonta e perquei investin nus en lur avegnir. Grazia a quellas mesiras garantin nus buca mo la qualitad da nossa instituziun, mobein procurein era per il svilup da nies persunal. Cun promover intenziunadamein las resursas socialas possibilitein nus a nossas collaboratuas ed a nos collaboraturs da crear ina gronda qualitad da viver per las cussadentas ed ils cussadents affidadas ad els – ed era per ellas sezzas ed els sezs.
Nus purschin pusseivladads da svilup individualas, denter auter scolaziuns orientadas alla pratica che vegnan realisadas el liug da persunas dil fatg qualificadas. Sche nossas collaboraturas e nos collaboraturs fan perfecziunaments e cuors externs, sustenin nus els activamein dil punct da vesta finanzial ed organisatoric. Ultra da quei profiteschan emprendistas ed emprendists duront lur entir emprendissadi d'in accumpignament e d'ina assistenza persunala da nossas specialistas versadas e nos specialists versai.
Formaziun fundamentala professiunala
Cun ina formaziun professiunala survegnan giuvnas motivadas e giuvens motivai ina scolaziun interessanta e d'aulta qualitad. En nossa casa stattan il contact social ed il plascher da s'occupar cun persunas attempadas el center. Per saver far in'emprema experientscha pratica recumandein nus als giuvenils in fuffergnadi ni entgins dis d'emprova per saver far in'emprema idea da nossa lavur.
Formaziun da carschi
In perfecziunament cumplementar alla professiun ei ideals per persunas carschidas che vulan sesviluppar vinavon dil punct da vesta professiunal ni puspei entscheiver a luvrar suenter ina pausa pli liunga. Era persunas novas en ina professiun profiteschan da talas purschidas, cunquei ch'ellas san impunder lur cumpetenzas socialas precis en quels loghens, nua che quellas vegnan duvradas urgentamein. En quella moda purschin nus ina pusseivladad flexibla da colligiar optimalmein la carriera ed il svilup persunal.
